|
|
|
|
 آخر المواضيع |
||
|
خلف كواليس القلب آخر رد: شيـخة الطبع الخجول <::>
نغمة لكل واحد بيحلم بالجنة آخر رد: الشوق للجنة <::>
نغمة الأحلام نغمة ساحرة mp3 آخر رد: الشوق للجنة <::>
نغمة لكسب الصلاة على النبي آخر رد: الشوق للجنة <::>
من 1 الى 13 آخر رد: شيـخة الطبع الخجول <::>
رنة لسيدنا النبي خير الأنام آخر رد: الشوق للجنة <::>
نغمة لأصحاب الذوق الرفيع آخر رد: الشوق للجنة <::>
نغمة رائعة للعشاق فقط آخر رد: الشوق للجنة <::>
نغمة روعة لسيدنا يوسف الصديق حملها وما راح تندم آخر رد: الشوق للجنة <::>
بدل رنة جوالك برنة جديدة آخر رد: الشوق للجنة
|
||
|
|||||||
 |
| انشر الموضوع |
|
|
أدوات الموضوع | إبحث في الموضوع | انواع عرض الموضوع |
|
رقم المشاركة : ( 1 )
| ||||||||||||
|
||||||||||||
قصه علي ومنار... الجزء الرابع والاخير
كُتب : [ 13 Sep 2005
- 01:16 PM ]
انا رجعت وابي اكمل الجزء الاخير من قصتك اللي ماريحتك ولا ريحتني وانا والله ماكنت ناوي اكمل بس لانه في واحد عندي بالعمل اسمه سالم ازعجني وقالي ياعلي لازم تكملها مايصير تقول شي وتخلي الناس متعقله فيه قلت ياسالم ماجاني عليها ردود يمكن متضايقين منها قال مجرد انه فين ناس تقرى كتابتك هذا بحد ذاته انجاز وش تبي منهم يكتبون لك يعطيك العافيه علي شغلك ولا يعطيك العافيه علي نقلك ولا ايش انت اكتب النهايه وخل الناس تعرف وش صار وبعدها اطلب من المشرف انه يحذف الاجزاء كلهم بعد اسبوع من الحين. مع اني معاهد شخص عزيز علي في المسنجر انه ماجيب طريها بس الشكوى لله ماخلاني اتنفس كل مايشوفني يقول وين الجزء الربع ياولد وشفيك انت وهذا الجزء الرابع ياسالم وفكنا طويب ابي من المشرفين علي المنتدي هذا انه بعد اسبوع من الحين يحذفون الاجزاء كلها بسم الله والحمد لله وصلي الله وسلم علي نبينا محمد وعلى اله وصحبه اجميعن فيه ملاحظه ابي انووه عليها انه في الجزء الثالث في مقطع ناقص وانا جبتها هنا علي شان نكمل القصه بالطريقه الصحيحه ويلا نكمل والله وهي تمشي من عندي قالت علي انا بمشي الحين وبس ارجع من مكه اوعدني انك تقابلني هنا زين قلت لها يامنار انتي الحين روحي لاهلك لاتطولين عليهم ومن هنا لين ترجعين يحلها الحلال، قالت طيب مع السلامه ، وهي تمشي ودموعها علي خدها مع انها متغطيه بس انا عارف انه هي تبكي يوم مشت من عندي، اتصل علي احمد قال لاتروح ابيك زين ، بس اخلص من المراجعين اللي عندي اواجهك ، قلت زين والله وانتظر بالانتظار نص ساعه ولا هي متصله علي ، قالت كيفك ، قلت الحمد لله وانتي قالت انا الله العالم بحالي بس علي لاتفكر انك بتهون علي وانك بتكون من الماضي ، لو يصير مايصير . انا استغربت من كلامها ، قتل منار وش موجب الكلام هذا ،قالت بس يلا ابي اسكر الحين امي تناديني يلا باااااااااااااااااي وبعدين عرفت انه اللي خلاها تقول الكلام هذا هي بنت عمها تقولها خليك من علي تري علي يلعب عليك ومايحبك وكذا . المهم جاني احمد قال زين شفناك يادووب والله اني مشتاق لك كثير مره والله يجزاه خير منار اللي خلتك تجيني لدوامي انا ماخبرك تجي الا عندك مصيبه هنا ياتعالج الربو اللي مادري وش يبي منك ، ولا جاي جايب معك احد تعالجه . الحمد لله اليوم انت كاسر القاعده. قلت ياحمد انا ماكسرت قاعده وحده ، انا كسرت قواعد كثير مره وبتشوف زين وش اللي تغير فيني. قال ماشاء الله والله زين اجل فيه بقبقه اليوم ها ااااااااااا بقبقه = هذا مصطلح بيني وبين احمد ومعناها انا نقعد في مكان هادي ونسولف عن مشاكلنا لبعض وكل واحد يعرض حلول للثاني، لانه هو وانا على قناعه انه اللي داخل المشكله يفكر بطريقه واللي برا المشكله يفكر بطريقه ثانيه وانه اللي برا يفكر احسن من اللي جوه، علي شان كذا كل يوم تقريبا نتقابل ونحكي لبعض عن اللي دار باليوم كله وكذا. المهم قالي شف انت اليوم فاضي ابي اشوفك واشوف وش سالفتك اليومين هذي زين. قلت زين والله وهو يمرني بسيارته - احمد بيتهم بجنب بيتنا - ونطلع لستار بوكس اللي علي طريق الامير عبدالله سابقا ، اللي قبل الكتروا من جهه الغرب،طبعا انا متواجد هناك تقريبا يوميا ونطلع هناك ونطلب ونقعد نسولف. المهم هو عنده خبر عن القصه من اول بس هو اول مره يحضر المقابله بينا قالي علي انت ماقلتي وش تبي منها؟؟؟ قلت كيف يعني ؟ قال يعني انت تبي منها شي وبس تخلص منها ترميها ولا ودك انك تواصل معها علي طول ولا كيف انا خايف انك تغيرت عن خبري قلت ياحمد انت تعرفني زين وبالنسبه للموضوع هذا انا ماتغير شي بالنسبه لي انا مابي اخذ منها شي وارميها انا علاقتي معها اسمى من كذا بكثير، انا مافكرت في يوم من الايام اني اكون سبب في تعاسة منار لو علي رقبتي ، انا همت بها وعشقتها عشق ماتووقع انه فيه احد مثلي سوي زيه، ولا اتوقع انه بيجي بعدي احد يسوي مثلي. انا منار بالنسبه لي تمثال، احلي تمثال ، تحطه قدامك وتناظر له وهو يناظر لك وتكلمه ويكلمك وماتقدر تلمسه ولاتقرب منه ، ولاحتي تلمس شعره منه. قال يعني انت ماتبي منها شي . قلت لا . قال ياعلي الحب اللي انت ماشي عليه هذا يتعب اكثر من الحب الثاني اللي تدفعه التفكيرات الحيوانيه ، تري الواحد منا اذا كان بنت او ولد اذا كان يفكر بالطرف الثاني من نظره جنسيه بعد ما ياخذ اللي يبي ماهم الطرف الثاني في حريقه بس انت الحين قاعد تمشي بطريق الله العالم وين راح توصل له ، تري طريقك هذا اخطر الانواع ياعلي ، لو انك تبي منها شي تاخذه وتتركلها خلاص انتهي. ماقدر اقولك الا تري انت ماشي في طريق يا ينزلك تحت الارض ولا يرفعك فوق السماء . وبيجيك كلامي ياعلي بس انت انتبه تري النهايه ياابيض ياسود تري هذي هي !!!!!!!!!!!!!!!! وانا معك لاخر يوم في حياتي ولاتنقل هم متي مابغيتني تلقاني قريب لك وابشر بعونك وانا اخوك انا لك والشر ماينالك قلت والله يااحمد لو اني متصور غير كذا ماكان قلت لك شي عن اللي بخاطري كله . قال يلا كلمني عنها وش اللي اعجبك فيها ومن بين كل الحريم مالقيت الا منار وليش هي بالذات انا نسيت اسئلك ليش . قلت يااحمد ابي اقولك شي قال قل قلت انا اول ماشفتها قبل لاشوفها كنت اقعد اشتغل في السياره ويوم طلعت هي من البيت رفعت راسي ويضرب بالكبوت حق السياره ومخي من الرجه هذي ماثبت الاعلي منار!!!!!! والله ونضحك قالي الله يرجك عاد مالقيت تصرفني الا كذا هههههههه قلت يااحمد والله مدري وش اللي شدني لها بس من شفتها مادري احسيت اني اعرفها من زمان والله يا احمد اول مره اشوفها واول ماكلمتها حسيت انا نعرف بعض من زمان ماكنت ناوي الرسميات والاشياء هذي وكذا . بس سبحان اللي يجمع القلوب علي بعض .سبحانه قال والله انك صاير شاعر قايم تقول حكم . قلت اها بس عاد لايكثر. قال والله ياعلي البنت انا شفتها ومن خلال نظرتي لها تراها تستاهل والواضح انها تحبك ، على شان كذا لاوصيك عليها لاتكدر خاطرها ولاتضغط عليها بشي هي ماتبيه هي صحيح انها ماتقرب لنا ، بس ترى البنت في رقبتك ياعلي ، بيدك انه تضيعها وبيدك انه تحافظ عليها ، لاوصيك ياعلي ترى هذي اعراض ناس . هذا لجزء اللي ماقلتها بالجزء الثالث ويلا نكمل الجزء الرابع والاخير اتصلت علي احمد قلت ابيك ضروري قال اوكيه تعال لي للبيت رحت له وقلت ياولد البنت اتصلت علي وتقولي تعال ضروري ، قال عسى ماشر قلت والله مادري بس اتصالها غير عن كل الاتصالات، قال ياولد رح وشف وش فيها يمكن فيه شي ، تطمن عليها وتعال قلت انا رايح بس ابيك تجي معي؟ قال ها ضروري قلت ايه ضروري اذا تقدر تاخذ اجازه من شغلك ابيك تروح معي قال متي بتروح انت ؟ قلت الخميس الجاي بعد يومين قال اوكيه ارد لك خبر بكره ان شاء الله المهم اتصل علي قال اووكيه معك يادوووب ان شاء الله رايح معك. مشينا للكويت ووصلنا هنا بالليل ليله الخميس واخذنا فندق واتصلت عليها وقلت انا بالكويت قالت اوكيه انت ريح الحين وبكره عندنا كلام كثير. قلت اوكيه وانا شاك بالوضع. من بكره انا نايم قلت اذا تبيني تتصل علي وخليت جوالي شغال. اتصلت علي الساعه 3 العصر تقولي ابيك تجي للبحر قمت وبدلت ورحت هناك ولقيتها ووقعدنا وتكلمنا و سولفنا قلت منار وش فيك الاتصل المفاجئ عسي ماشر . قالت ابد مافيه شي بس اشتقت لك . قلت والله اني مغيبك يامنار انتي في خاطرك كلام كبير مره بس للحين ماقلتيه وانا داري انك بتخلينه لاخر شي ماتبين تخربين الجلسه الحلوه هذي. قالت دامك عارف اجل خلني على راحتي قلت طيب ابشري علي راحتك علي راحتك كم منار عندي انا !! ظلينا قاعدين لبعد العشا تعشينا وعلي البحر قاعدين نسولف قالت علي لحظه شوي وهي تنزل راسلها وتغطي عيونها بيديها وهي تقول بصوت مبحوووووووووووووح علي قلت لبيه شراين علي وقلبه وعروقه وكله قالت علي من اربع ايام جت عمتي للبيت تخطبني لولدها .............................................! قالت علي وش اسوي قلي الله يرحم والديك قلت والله مدري وش اقولك انتي وش تبين تسوين قالت انا ابي انت وش رايح تسوي والله انت اللي تقولي سويه والله بسويه لو اني اهرب معك واسافر وش تبي اكثر من كذا قلت يامنار لا لا مايصير كذا انتي عارفه وضعي وانتي مانتي غريبه وعارفه انه مخطط على بعثه لامريكيا وان شاء الله اني بسافر فاصعبه انك تربطين مصيرك بمصيري انتي فكري وانا معك في اي قرار انتي راح تتخذنيه ولاتفكري انك بتهوني علي انت الغاليه . قلت الحين انا ابي امشى واشوفك بعيدين قالت متى انت تمشى وتخليني متورطه بالورطه هذى لاحالي ماعرفتك كذا ياعلي قلت القرار لك انتى واللي تشوفنه خير لك ابشرى ماراح اكون عثره بطريقك و انا بقعد بالكويت لين نوصل بقرار للمشكله هذي قالت والجامعه وش تسوي فيها قلت ماعليك خليهم يفقدوني اسبوع مو مشكله . قالت اوكيه يلا نمشي ابي اروح للبيت والله صار لي ثلاث ايام مانمت منهن الا ساعتين ابي اروح اريح شوي والله كلامك هذا شال عن قلبي هم كبير مره رجعت للفندق والقى احمد ينتظر على نار قال ها وش وشفيها قلت انخطبت.....!! قال وش تبى تسوي قلت والله مادري ياحمد وش رايك انت قال ياعلي البنت محتاره بينك وبين زواجها انت تفكر انك تتزوجها قلت والله مادري بس بالوقت الحالي لا قال اجل خلها تتوكل على الله قلت هذا رايك قال ايه مادام انك مارح تتزوجها وانت قدامك سفر منت فاضي للشغلات هذي خل البنت تشوف حالها وانت شف حالك انتم مشكلتكم حلها الزواج ومادام انك ماراح تتزوجها فا افضل شي انكم تتفارقون والله ياعلي ادري انه صعب عليك الشي هذا بس انا قلت لك الشي هذا وانا حريص عليك انت اول قبلها هي من بكره احتريت انه تتصل على العصر ماتصلت قلت ماني متصل لين تتصل هي وتتصل علي حوالي الساعه 11.00 بالليل ليله السبت قالت ابي اشوفك ضروري قلت بابنت الحلال اخر الليل وش هذا خليها بكره قالت لا ابيك الحين انا لقيت حل قلت اوكيه قالي احمد شف ياعلي انت رح لها واخر شي اذا شفت البنت متعلقه فيك قل لها انه وصلك اتصال من امريكا وقالوا لازم تجي الشهر الجاي على شان تنساك غصب وتنتبه لحياتها قلت ياحمد ولله ما يطاوعني قلبي قال كيف هماك تقول انك تحبها ومادري ايش قلت ايه قال اللي يحب ، يحب الخير لحبيبه ولا قلت ايه قال ترى الخير كلها لها انك تبعد يوم قال كذا والله اني احس اني سككين قطعت قلبي والله لو انه غير احمد اللي قال كذا ، الله العالم بحاله بس احمد انا متاكد انه مايبي غير الشي الزين لي بعدين فهمت كلامه كله يوم جيت لها قالت شف ياعلي ان وصلت لقرار نهائي انه ياتتزوجني او تبعد عني قلت لها انتي تقولين الكلام هذا قالت والله مادري وش اسوي بس هذولي الحلين مالهم ثلاث قلت لها انا مسافر الشهر الجاي لامريكا كيف اتزوج المهم بعد الكلام هذا دار بينا نقاش ماودي اني اتذكره لانه يتعبني مره وابي انساه اخر شي قالت لي ياعلي ابعد عني واتركني لحالي خلني اعيش ........................... قلت لها منار استرى علي كل ماشفتيه مني وانسي انه فيه واحد اسمه علي انسيه وانسي ايامه قالت والله صعب بس اوعدك اني احاول لواني عارفه نفسي مشيت من عندها وهذا خر لقاء تم بينا في المقطع هذا انا اختصرت اشياء كثير مابي اذكرها . . . . . . . . . . . . . . . . . . . . . . . . . . .
|
|
|
رقم المشاركة : ( 2 ) | ||||||||||||||||||||||||
|
كُتب : [ 13 Sep 2005
- 01:17 PM ]
. . طلعت من عندها ومشيت وكل ليلي امشي بالكويت مافيه مكان الا جيته مابي ارجع لاحمد عارف وش بيقولي اخر شي رجعت حوالي الساعه 7.00 الصبح ولقيته قاعد يحترني وهو يناظر في وجهي وعرف كل شي وسكت انا عارف انه لو ماعرف اني متظايق كان بيشب في وجهي شبه الله العالم متي بتطفي المهم قعدت قال خلصت هنا قلت ايه قال يلا مشينا للسعوديه بدون اي سؤال او اي جواب قلت زين وهو مرتب كل شي اغراضنا ونحطها بالسياره قال اسوق عنك قلت ايه وهو يركب ونمشي وانا ساكت طول الطريق لين ماطلعنا من الكويت يمكن حوالي الساعه ونص تقريبا ساكتين بعد مادخلنا السعوديه قال علي قلت لبيه قال الحين انت تثق فيني ولا لا قلت الحمد لله الثقه موجوده قال اسمع مني ولاتقاطعني قلت سم قال او شي حط عشره 21 سنه قدامك وحط بعد كل الموافق اللي مرينا فيها قدامك من ويوم حنا صغار وتاكد انه كل الكلام اللي بقوله في مصلحتك اولا انت ومصلحه الناس الثانيه الناس الثانيه= منار من اليوم هذا ماعمري سمعت احمد يقول منار لانه عارف وش يعني الاسم هذا لي اول ياعلي اللي سويته كان لابد منه لانه انت طريقك غير وهم طريقهم غير والله ويقول كلام كثثثثثثثثثثثثثثثثثثثثثثثثثير ما اذكر منه شي اذكر اني كل شوي اركز معه وبعدين يروح فكري المهم بعد حوالي الساعتين وهو يسولف قال علي اتمني انه كلامي وصلك وانت فهمته انا فهمت شوي منه بس ماخفف علي الا كلامه، الله يوفقك ياحمد وين ماتوجهت وصلنا للرياض وانقطعت انا عنه ثلاث ايام والرابع اخر الليل حوالي الساعه 3.00 الفجر قعدت من النوم وقعدت سويت لنفسي قهوه وجلست علي المكتب اتذكر كل الي دار بينا من اول يوم الين اخر يوم وفكرت وفكرت قلت ياعلي البنت الله يستر عليها خلاااااااص انتهت فكر في نفسك ظليت لين اذن الفجر وانا على الجلسه هذي قمت وتعوذت من ابليس وتوضيت ورحت للمسجد وانا طالع من البيت الا وابوي طلع بعدي فتحت السياره اخذت منديل وهويجني السلام عليكم يبه قال عليك السلام ها طلعت من العزله اللي ماندري وش سالفتها قلت لا يابيه مافيه عزله ولاشي بس قاعد اشتغل في بحث يبه الدكتور قال وها خلصت منه ولا باقي قلت ايه بس باقي الطباعه علي الكمبيوتر قال طيب يلا نمشي نصلي رحنا للمسجد قعدت انا بالصف الاول من يمين المسجد لحالي ناظرت قدامي ولا فيه مصحف قديم مره مسكته واناظر فيه ... واناظر فيه ... واناظر فيه ... واتذكر من متي اخر مره قريت ، من شهر يمكن. والله والدمعه وهي تنزل من عيني مو على شان شي لا والله بس على شان حالي اللي راح وكل هالفتره مافيه لاقرايه قران وقتها حسيت ان راسي ضرب جدار كبير وانه لازم اوقف عن الطريق اللي انا مشي فيه ، لازم اتغير لازم لازم قريت كم سوره واقيمت الصلاه وصليت معهم وبعد ماخصلت قعدت شوي بعدها رجعت للبيت دخلت غرفتي سكرت الباب جلست علي المكتب شغلت الكمبيوتر ، حسيت بقوه وعزيمه ماعمري حسيت بها وانا قاعد اقول بنفسي وش يعني البنت تزوجت وش يعني نهايه العالم انا قدامي طريق طويل ينتهي قبل لايبدا كيف تصير ذي والله واقعد افكر شوي قلت خلاص اللي راح راح وانا ابي ابدا حياتي من جديد الحين !!!! قلت او شي ابي اكتب القصه كلها ابي اكتب الفتره اللي غيرت اتجاه حياتي من الشرق للغرب من اليسار لليمين بديت اكتب وهو يمر شريط حياتي كله قدام عيوني كانه الحين صاير من اول يوم شفتها فيه يوم قاعد ابعبص بالسياره وتمر قدامي من يوم كلمتها اول مره من يوم طلعت معها من ويوم شربنا عصير الرمان مع بعض من يوم قعدنا علي البحر من يوم حطت ايديها في يدي من يوم حسينا انا خلقنا لبعض من يوم تقابلنا بالحمادي من يوم .... من يوم ... من يوم ... من يوم ... من يوم ...الى اخر اللحظات اللي مرينا فيه سوى لحظات لاتنسي بسهوله مو علي شان الحب او انها كانت .... بس لانها مواقف مرت علي لاول مره مواقف ماتنسي بسهوله ماقدر اتكلم عنها لانه خلاص انتهت وانا طويت الماضي يقول خالد
يوم انتصفت في القصه قعدت استريح شوي ناظرت في درح المكتب ولا هو جوالي الي صار له مقفول ثلاث ايام مسكته واشغله واول مره اناظر للشاشه الترحيب اللي كنت كاتب فيها من ثمان شهور عباره " لاتناظر ورى ناظر قادم ياعلي" واتذكر ايام مرت قبل اللي صار هذا كله قعدت شوي كاني قاعد احتري اتصال احد وهو يدق الجوال واناظر ولا هو احمد وعلى طول الخضراء يامرحبا قال كنت متوقع انك قاعد كيف حالك ياعلي وشلونك وشلون دنياك قلت الله ياحمد من زمان الكلام هذا والله اني فاقده قال الله الله ماتفقد غالي ياعلى قل امين قلت امين يارب قال ها وشلون تسوي فيني كذا ثلاث ايام اتصل عليك واجي لبيتكم ولا احد يدلني عليك الله واكبر ليش كذا قلت ياخي مشغول مره قال زين انت الحين تبي تنام قلت لا اصلن قاعد الساعه 3.00 قال شف انا الحين ابي استاذن من شغلي ونطلع انا وانت وش تقول قلت طيب وبعد نص ساعه وهو يمرني والبس ملابسي واطلع كنت لابس وقتها بنطلون اسود تي شيرت اسود وبالطو اسود ولابس على راسي فوشيه قطن سودا قالي وش ذا الله يرجك وين رايح تبي تسرق مؤسسه النقد ولا ايش ضحكت وقلت له ليش بالعكس الجو اليوم باريسي مره ولازمه اشياء مثل هذي كان الجو وقتها شتاء وكان توه نازل المطر والجو مغيم الشمس ماهي باينه مره من الغيوم ونطلع للثمامه حتي اذكر انه كان معه الكاميرا حقته واخذ لي كم صوره للحين عندي كانن صور رررررررررررررررررروعه مره اول مره اصور صور يطلعن جنااااااااااااان كل مره اشوفهن اقول ياولد والله مافيه مثلهن صور ونزلنا وتمشينا بالطعوس والناس تتجمع علي طعس التحدي وحنا تركناهم وري طهورنا ونمشي ونمشي للين قريب الظهر ونرجع للسياره ونجيب غدا ويخلني اتغدا غصب عني مع اني كنت ماني مشتهي بس على شان احمد اسوي اللي مايسوا ظلينا هناك لقريب المغرب وبعدها عودنا للبيت حبه حبه حبه نسيت كل شي نسيت وماكنت اتوقع اني انسي بس نسيت كل كلمه حب قلتها نسيت كل احساس حسيت ناحيتها نسيت كل ماتعلق قلبي به ماذاكر الا انه في انسانه تعلق قلبي بها وهي اللي غيرت مسار حياتي للاحسن طبعا وهي الي لها الفضل بعد الله في اللي وصلت له الحين الحمدلله واللي اطمح اني اواصله وهو الدكتوراه واذا حصلت عليها فرراح يكون له الفضل بعد الله في الشي هذا صحيح انه دورها ماهو كبير بالمره بس مهم ومايغفل لانه الحين دخل انسان اخر في المشوار هذا واذا استمر فيه راح يكون هو اساس المشوار هذا اتمنى انه ماكون ثقلت عليكم وازعجتكم في قصتي بس تاكدوا اانه قصه انسان عاش مرحله مهمه في حياته والمرحله هذي هي اللي بناء عليها مستقبله اللي ان شاء الله بيكون كله نجاح واذا كان فيه اي ازعاج او عتاب يبلغني برساله خاصه وانا ماكنت ابي اكملها بس بناء على رغبتك ياسالم ياسالم والله ماكملتها الا علي شانك جميع الاجزاء تم كتابتها بقلم/كويني |
||||||||||||||||||||||||
|
|
|
رقم المشاركة : ( 3 ) | |||||||||||||
|
كُتب : [ 13 Sep 2005
- 01:19 PM ]
على هذه القصه وهذا المجهود الرائـــــــع منك الله يعطيك الف عافيه وفي انتظاااار جــــــــــــــديـــــــــــــــــدك الى الأمااااااااااااام |
|||||||||||||
|
|
|
| مواقع النشر (المفضلة) |
| الكلمات الدلالية (Tags) |
| الجزء, الرابع, على, ومنار, والاخير, قصه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [::]~ رابطة الزعيــم ( 2010/2011 ) ~[::] -- { اخبار ، استفسارات ، اشاعات ، نقاشات } | ~| Majed | [ منتدى الهلاليين ] | 377 | 11 Jul 2011 05:04 AM |
| ماذا تعرف عن الكلى | الادميرال | [ صـحـتـك بالـدّنـيـا ] | 3 | 05 Jul 2010 11:11 PM |
| قصه علي ومنار ،، الجزء الثالث | Mr.Koeney | [ القصة القصيرة والرواية ] | 1 | 28 Aug 2005 11:50 AM |
| قصه علي ومنار ,,,, الجزء الثاني | Mr.Koeney | [ القصة القصيرة والرواية ] | 14 | 28 Aug 2005 02:04 AM |
|
|
العرض العادي
