|
|
|
|
 آخر المواضيع |
||
|
نغمة لكسب الصلاة على النبي آخر رد: الشوق للجنة <::>
من 1 الى 13 آخر رد: بيـــآن ~ <::>
رنة لسيدنا النبي خير الأنام آخر رد: الشوق للجنة <::>
نغمة لأصحاب الذوق الرفيع آخر رد: الشوق للجنة <::>
نغمة رائعة للعشاق فقط آخر رد: الشوق للجنة <::>
نغمة روعة لسيدنا يوسف الصديق حملها وما راح تندم آخر رد: الشوق للجنة <::>
بدل رنة جوالك برنة جديدة آخر رد: الشوق للجنة <::>
نغمة أكيد راح تعجبكم كتير آخر رد: الشوق للجنة <::>
سألوني الناس بالعود من اجمل ما سمعت آخر رد: كاسيولينا <::>
رحبوا فيني آخر رد: بيـــآن ~
|
||
|
|||||||
 |
| انشر الموضوع |
|
|
أدوات الموضوع | إبحث في الموضوع | انواع عرض الموضوع |
|
رقم المشاركة : ( 1 )
| ||||||||||||
|
||||||||||||
|
قصه علي ومنار ,,,, الجزء الثاني
كُتب : [ 24 Aug 2005
- 02:38 PM ]
وكيف المستمعين الاحباء عساهم بخير يلا نكمل قصتي.... بعد ماطلعنا من المحل يعني انا حالتي تغيرت بعد هذا اللقاء تغيرت تغيركلي تغيرت 180 درجه ، بعد 21 سنه والله بعد 21 سنه اول مره احس اني انسان ثاني مادري ليش احس انه صار قدامي موقف يهد جبال - طبعا هذا اول لقاء بيني وبين بنت - اتجهت حياتي لمسار ثاني ، اول كنت مافكر في شي مافكر الا في نفسي بس الحين احس اني بديت اتحول تحول كلي ، ممكن غيري يعتبره شي عادي انك تقابل بنت ، بس انا اعتبره شي غريب شي اول مره يمر علي. المهم طلعت هي وركبت سيارتها وانا مادري كيف وصلت لسيارتي حتي وانا قاعد اقطع الشارع رايح للمواقف ، بغت سياره تصدمني ، مادري من وين جت السياره ، المهم طلعت انا ركبت سيارتي وتحركت والله مادري وين اروح ماعرف طريق الرجعه المهم ظليت ماشي بالشوارع لين وصلت خط سريع واخذت الخط السريع لين وصلت لخط ثاني المهم بعد كم شارع ولا اني عند البحر حوالي الساعه 11 بالليل. نزلت وقاعد اتمشى علي البحر ويتصل علي خالي قال وينك ياخي خوفتنا وين صرت الحين انت ، قلت انا بمهرجان والحين ماشي قال تدل الطريق قلت ايه، والله امشي من هناك واسال واحد ويدلني الطريق وارجع للبيت ، ويوم رجعت وقفت السياره عند الباب وراكب انا فيها اسمع ابوعبدالله -طلال مداح- باغنيه احبك لو تكون حاضر. خلصت الاغنيه ونزلت واشوفها تنظر مع الشباك، قلت بنفسي اسلم عليها ،قلت لا خلن ادخل ابرك لي. دخلت والقي خالي قاعد يحترني . ودرا بنا الكلام هذا انا : مسيك بالخير خالي. خالي: ما شاء الله هذا اول يوم وانت كذا،لاخليتنا نقعد معك ولا نسمع اخبارك. انا : والله العذر والسموحه منك ياخااال والله ديرتكم ماينمل منها وانا لقيت اللي صار لي ادوره سنين عندنا. خالي : الحمد لله عساك ارتحت هنا انا :اي والله حتي شكلي بنقل لجامعه عندكم هنا واكمل دراستي هنا خالي : من اول يوم كذا اجل لو تطول وشلون انا : هههههههههههه ماعليك لاتخاف بس انا اقول كذا والله ونقضيها كله اسوالف انا وخالي وتونه عاد كان بكره يوم خميس ماكان عندهم دوام . قمت ابي انام بعد الصلاه ابغي انام مانمت الاحوالي الساعه 10 الصبح، ولا ان خالي يقعدني اقعد علي صلاه الظهر ، ياخال مالها داعي خلن نام شوي قال قم صل انت تبي تجي تهون عن الصلاه ، ولا انتو يالسعودين مافيه دين لا بالسعوديه وبرا مافيه دين قم يلا، والله وتاخذني الحميه على ابو سعود مالها داعي يقول الكويتي عن السعوديين كذا ، قلت لا يابو حنا دينا بكل مكان مو بس السعوديه قال اها بس يلا قم. والله واقوم اصلي الظهر وراجع للبيت وافطر مادري اتغدي المهم اكلت شوي وانا بالي مشغول بالموعد اليوم، وان خالي يقول لاتروح ياخالي اليوم عشاك عندنا لاتروح يمين يسار ، اف هذي المطمه كيف ابي اشوف البنت وهذا يقولي عشا انا فاضي للعزايم، وانا اقوله ياخال مالها داعي الرسميات وانت بتكرهني اني اجي مره ثانيه هنا ، قال يادب ماهي رسميات بس اانا ابي اوري اخوواي ولد اختي الذيب، والله اني كرته كلمت ذيب من ذاك اليوم ، يابن الحلال مالها داعي وانا مابي اكلف عليكم ، قال اها بس تبي تفضحنا عند ابوك ، كل مره نجيكم مايقصر ، وانت اول مره تجي كيف تصير هذي . لاحول ولا قوه الا بالله. من وين جاني هذا . والله واطلع العصر ابي اشوف البنت اقولها اني ماني جاي علي شان يكون عندها خبر , الموعد كان اليوم الساعه 5.00 العصر، مالي غير اني انتظره لين تطلع حسب الموعد. انا ناسي انه هم جيران خالي وانه الكويتين عندهم حركات حلوه مره، مثل انه الحين خالتي مافيه احد غيرها بالبيت ، واذا صار عندهم عشا تجي بعض جارتهم يساعدنها، وهي تطلع البنت واقولها انا ماقدر اني اجي هناك علشان انه خالي مسوي عشى لي ، قالت والله منت جاي ، قالت زين انا بجيكم اليوم مادام عندكم عشا لانه خالتك جت عزمتنا. والله وتبداء التنكه الي فوق كتوفي تطحن شوي ، ياااااااهو بتجي للبيت هذي ماحسبنا حسابها هذي احسن شي . والله ياولد وابو سعود يطلع للحلاق يضبط سنفره وحمام بخار وحمام مادري ايش وشل وحط من الساعه 5.00 الين 6.00 وانا عند الحلاق ، والله مادري وش صار فيني، المهم جيبت للبيت وانزل هناك واضبط الوضع والمجلس واجي للمطبخ ازين القهوه للرجال ، قالت خالتي انا اسويها ، قلت لا خلي القهوه علي ،انتي سوي الشاهي وانا مندمج بالقهوه وافكر متي تجي متي متي. ولا انه صوووووووووووووووووووووووووووووووووووووت ينادي من وراي منو هذا ياتهاني،قالت هذا الضيف اللي الحين قاعد يشتغل بالمطبخ والله الصوووووت صوت قلبي ، والتفت عليها وانها هي سندريلا قلبي واقفه علي الباب تناظر لي وتتبسم ، يااااااااااااااااااااااااااااااااااااااااااااااااا ااااااااااااااااااااااااااااااااااااااربي لطفك يارب يارب ثبت عقلي علي ، والله من هول النظره واكب القهوه واعدم الثوب واخرب المواعين واحوس المطبخ واعدم الدنيا كلها وتنكب القهوه علي وتخرب الشخصيه كلها ، وانا اضحك وهي تضحك ، وتجي تونه وتشوف الدينا محيوسه وتناظر مستغربه ، هذولي اول مره يشوفون بعض والضحكه واصله لاخر الدينا ، وشلون لو يطولون مع بعض،والله يجن يعدلنا الحوسه وانا اطلع ابدل ملابس وارجع مره ثانيه ابي اسوي القهوه ، المهم طلعت تونه برا علي شان تخلص شغل ثاني وانا ومنار قاعدين نسوي القهوه وسولف حكاوي وجو مجنووووووون مره اول مره اخش مطبخ ولا ودي اني اطلع منه، والله ويبدا المعازيم يهلون واحد وري الثاني وانا قايم اسلم عليهم واقهوي ،وكل شوي داخل اجيب شي، حتي لو ماعندي شي، ادخل واقول لها كلمتين واطلع ، والرجال يقولون لخالي ياخي مايصير الرجال ضيف وانت مشغله كذا ، عاد انا اقول لا هذا خالي والخال والد ، والرجال ونعم بالبناخي ، وانا رايح جاي وهي ميته علي من الضحك ، رايح جاي رايح جاي. المهم مشو الرجال وبقي اصدقاء خالي الخاصين وبعدين بكره جمعه الشعب كله يبي يسهر ، وانا دخلت داخل واسئل تونه وتقولي الحريم مشن مابقي غيرمنار ، بعدين عرفت انه منار صديقه تونه، وادخل عليها وقاعد ازين اللاب توب علي الشحن داخل بالصاله وهي قاعده بالصاله طبعا الكويتيات عادي يكشفن عادي مافيه مشكله بس بيت خالي للحين سعودين ، بس بحكم اني اعرف تونه من زمان واني اقولها خالتي واني انا اللي مشرف علي عمليه االزوج بينهم هي تكشف قادمي تعتبرني زي اخواها الصغير. قالت لي منار ليش تشحن الكمبيوتر قلت فيه كم شغله ابي اخلصهم ، قالت ها يعني اطلع من الغرفه هذي واروح لغرفه ثانيه قلت لا ابد اخذي راحتك مافيه مشكله ابي انا اشحن شوي ومافيه مشكله انا اشتغل وانتو قاعدين مافيه مشكله، وهي تتصل علي اهلها وتقول لامها انها بتسهر عند جيرانهم ، والله واطلع عند خالي شوي واشوف الرجال هناك وهم قاعدين يلعبون هند ، يقولون لي تعال العب هند قلت لاانا ماعرف غير بلوت تعرفون ، قالوا لا تعال يانعلمك هند ولا تعلمنا بلووت، ا لا لا خليكم كذا احسن والله ورجع داخل واقعد معها من الساعه 11.00 الين صلاه الفجر اسولف معها وتسالني عن الكمبيوتر وكذا وقضيناها كلها سوالف ، والله يوم اذن قالت لازم امشي انا تاخرت مره مره. قلت اوكيه يلا اوصلك عند الباب وتطلع من وري البيت واوقف معها عند الباب داخل البيت . قالت لي ها بكره اشوفك ولاايش ، لاتقولي بدوا يعزمونك ، قلت والله انهم بدوا بس انا ماخليتهم يكملون ، قالت تمام اجل بكره بينا الموعد لاتنسي ، قلت ان شاء الله ، وتمشي وانا اناظره لين دخلت البيت ، اشوي انه مالها اخوان اكبار ولا كان صارت علوم . يعني انا بعد اللقائين هذولي عرفت اني طحت ولا احد سمي علي، واني غرقان لشوشتي معها وهي بعد ولا ماكان اهتمت لافيني كل هالاهتمام والله وابي انام مااااااااااني قادر بس افكر صار لي يومين نومي قليل عاد انا دوووووووووب نووووووووم اذا ماانام باليوم الواحد اكثر من عشر ساعات اقوم الاخلاق تجاريه مره ، من ذاك اليوم وانا حالي تشقلب تشقلب بكل ماتعنيه كلمه تشقلب من معاني تغير حالي تغير كلي من ذاك اليوم الي اليوم هذا وانا قاعد احس بالتغير ، مو شرط انه التغير هذا للاسواء انا اعتبره للاحسن وبتشوفون بخلاصه القصه اللي استفدت منها. المهم ثاني يوم قال خالي نبي نروح للبحر نتمشي هناك ،الكلام هذا بعد صلاه العصر ، والله واقول في نفسي ياخي هذي عليه طلعات الخال مال امها داعي من وين يجيب الافكار مادري والله شكله مستوردها من ديره النذاله، كل ماقلنا ضبط وضعنا يطلع بفكره جديده ، والله هو جزاه الله عني كل خير، هو مستانس اني جايه وانا بالي مشغول مع غيره، والله ونروح للبحر هناك ، وش اسوي حتي مامداني اني اقولها ، والله وهي تشتغل التنكه اللي فوق راسي وتطحن وتطحن ، عاد المره هذي الطحن طول شوي لين وصلنا للبحر ونزلنا ونزلنا عفشنا وفرشنا وجلسنا وكذا ، والطحن شغال ، والله وتقوم تونه تمشي ولدها الصغير شوي، وتترك جوالها عندي ، واناظر للجوال قلت بس هذي هي ، بما ان منار صديقه تونه اكيد بيكون رقم منار عند تونه وافتح الجوال، والله اول مره اسوي حركه مثل هذي ، بس المشكله انه هذي طلعت نهايه الطحن المطوله ، مافيه غير الحل هذا، والله ادق مادق افكر افكر ، وترجع عمليه الطحن مره ثانيه بس هالمره ماطلوت مره، قلت خلن اعطيها مس كول وخلن نشوف هي ترد ولا لا.
التعديل الأخير تم بواسطة Mr.Koeney ; 24 Aug 2005 الساعة 02:48 PM
|
|
|
رقم المشاركة : ( 2 ) | ||||||||||||||
|
كُتب : [ 24 Aug 2005
- 02:38 PM ]
ودق دقه واسكر، وهي تجي تونه قلت ياخاله والله مدري انا كنت ابي اشوف جوالي شغال ولا لا والظاهر اني دقيت علي رقم من الارقام اللي بجوالك ، قالت مو مشكله ، وهي تروح ، وشوي تتصل منار علي جوال خالتي، وانا انادي لها تعالي اتصل لك ، قالت من ،قلت تعالي شوفي هي بعيده عني شوي وهي تجي قالت رد هذا انا جايه، والله انا اشوف الرقم وعرفت انه منار المتصله ، رديت قلت نعم ، قالت من معي ، قلت انتي اللي متصله ، قالت موممكن اكلم تهاني، قلت من انتي، قالت وش دخلك عطني تهاني، والله واضحك شوي ، عاد جت تهاني ، وعطيها الجوال واضحك ابيها تسمع ضحكتي وقلت هاك الجوال ياخالتي ابيها تسمع ، وهي واقفه عندي وتكلمها من بين الكلام هذا فهمت انه منار اسئلت تهاني قالت من هذا قالت لها هذي ولد اخت رجلي اللي هو الضيف ، وانه هو اللي اتصل علي عليك بالغلط وكذا، منار علي طول فهمت انه انا قاصد الحركه هذي واني مغير الموعد قالت منار لها انتو وينكم قالت لها تونه انه احنا بالبحر ، منار قالت احنا بالبحر تبي تصرف الموضوع علي شان تجي، قالت تونه وينكم انتوا، قالت الحين اجيكم انتوا وينكم المهم تفاهموا علي المكان وبعد نص ساعه جت منار لنا ، خالي يوم شاف البنت تجي وتروح فهم العمليه شوي وانه البنت مايله لي ، علي شان كذا صرف نفسه واخذ خالتي وقاموا يتمشون على البحر، حركه خالي ماهي عباطه وانه قاعد يضبط لولد اخته بس هو عارف اني انصدمت قبل ، قال خله ينسي اللي مضي يمكن البنت هذي تشغله شوي، وانا ومنار قاعدين وعندنا عبودي الصغير هي ماسكته وانا قاعد اسولف لها ، بعد شوي سكت انا اناظرلها وتمعن بها وبحلاياها ، والله اني انسي نفسي الجوال يدق الناس تمر مادري وش يصير فيني اذا قمت اطالع لها يصير فيني شي غريب مره ماقدر اوصفه شي ماينقال شي ينحس بس، تقولي انت ليش كذا انت اول مره تشوف بنت ، قلت لها مو قصه اني اول مره اشوف بنت ، قصه اني اول مره اعرف وش معني الحريم ، تخيلي 20 سنه وانا ماخذ مفهوم واحد عن الحريم ، وانتي بكل بساطه تقلبين المفهوم هذا بعد 20 سنه يتغير قاعده من القواعد اللي كنت متوقع انه متسحيل انها تتغير ، قالت لي وش المفهوم اللي كنت انت فاهم عن الحريم ، قلت لها استحي اني اذكره ، قالت انت منت طبيعي ، قالت والله انت بعد خليتني اغير نظرتي للناس ، قلت ها شوفي من الحين بدينا نغير نظرتنا انتبهي يابنت ها تري ماتشوفني مره ثانيه، قالت لا خلاص بس ، بعد الكلام هذا سكتنا جميع وكل واحد يطالع للثاني عيوني بعيونها وعيونها بعيوني واستمرينا على الحال هذا يمكن حوالي نص ساعه ، نص ساعه وكل واحد يقري وش يقول الثاني . ياجماعه والله ان كلام العيون موجود. واللي يقول انه خرافه والله انه ماعنده سالفه. وانه شخصين يقربون لبعض مره لدرجه انه الواحد منهم يعرف وش يقول الثاني ، بس مجرد نظره في عيونه تكفي عن كل الشرح والوصف. الصفتين هذولي انا اول مره اعرفهم ، اول مره احس بهم ، اول مره اقتنع انهم موجودين. بعد شوي جا خالي وخالتي ، وهم يشوفنا ساكتين بس مانسولف ، قال خالي تري يامنار علي خجول مره مايقدر يتكلم مع الحريم، والله وهي تناظر لي وتتبسم ، انا يوم شفت البسمه ماقدرت اني اكابسها بعيوني شحت بوجهي عنها، اخاف اني اسوي شي يفضحني ويفضحها، كنت خايف عليها من النسمه . يوم بغينا نمشي راحوا خالي وخالتي للسيارتهم وانا وهي قاعدين نلم الاغراض قالت لي علي انت كنت قاصد انك تتصل علي اليوم ولا كانت بالصدفه، قلت لها يابنت الحلال انا كنت ابي اقولك اني ماقدر اجي اليوم للموعد علي شان كذا اتصلت عليك ماكنت اتوقع انك تقدرين تجين هنا ، قالت شف ابي اعطيك شريحه جوال خلها معك واذا بغيتني ماعليك الا انك تشغلها وتري ملها رقم سري وارقامنا كلها مخزنه فيها تلقي اسمي فيها واتصل علي اذا بغيتني وانا بجيب لك جهاز بكره وكرت شحن اذا ماعندك ، قلت لها شوفي انا صدق ماقدرت اتصل عليك بس مو لدرجه انك تعطيني شريحه وتلفون وين عايشه انت انا لو ابي يكون عندي تلفون كان عبيت سيارتك كلها تلفونات ، مااحتاج انك تتعبين نفسك وتجيبن لي كل الاشياء هذي . قالت والله وهي ياعلي والله ما كانت اقصد اني اجرح كرامتك بس انا حبيت انه نكون على اتصل بس والله ماكنت اقصد شي صدقني. قلت خلاص خلينا كذا ابرك واذا بغيت اقولك شي بلقي رقمك ، وانتي عارفه رقم خوالي الثابت كلميني عليه ، قالت اوكيه بس لاتزعل مني ،، لاتزعل مني قلت خلاص ماني زعلان. في خلال الايام هذي اول يوم وثاني يوم بلشت بخالي وعزايمه ولا المطمه الاكبر هي خالاتي خوات امي ، يبوني اجيهم وانا كل يوم اجي واحده بعد صلاه الظهر علي شان مايزعلون علي واكون بعد صلاه العصر فاضي لمنار اقعد معها من العصر لبعد العشا كل يوم وعلي ذا الحال لين خلاص ، تشربتها وهي تشربتني ، ماعد نقدر نصبر عن بعض . طبعا استمريت علي الحال هذا لمده حوالي اسبوعين وانا كل يوم معها ، بعد اسبوعين وهو يجيني اتصال من خويي احمد؟!؟!؟!؟!؟!؟!؟!؟!؟!؟؟!؟ اتصال خرب كل الحسابات ، اتصال هد حيلي والله ماعد اقدر اتمالك نفسي يوم جاني الاتصال ، حتي كنت معها يوم اتصل علي احمد. وانقل لكم الاتصال بكل تفاصيله لانه للحين عالق في راسي ماهو راضي يطلع. انا مع منار العصر علي البحر نشرب عصير وقاعدين نسولف. وهو يدق جوالي علي ، الجوال السعودي . واناظر ولا هو رقم احمد ، قلت ماني راد عليه ، اكلمه بعد العشا. وهو يدق وانا اطنش واطنش واطنش وانا الرجال ماهو تاركني ماهو راضي يحل عني ، احمد ماهي من عوايده انه نشبه انا استغربت اتصاله . حتي منار قالت ياخي رد عليه ، قلت لا قالت بالله عليك انك ترد عليه ،يمكن شي مهم. الاتصال جاني حوالي الساعه 5.30 العصر بالضبط كان يوم الثلاثاء علي ماعتقد ، مستحيل اني انسي الاتصال هذا المهم رديت بعد جهد جهيد: انا : مرحبا احمد:السلام عليكم كيف الحال علي عساك طيب ان شاء الله انا :الحمد لله بخير وانت عساك بخير احمد: الحمد لله بخير وش اخبار الجو عندكم عساك مرتاح وشكلك طاب لك المقعد هناك ماعد تشتاق لاخويااك انا : والله الحمد لله ماعليه الجو زين ، و الله مانسيناكم يااحمد ، بس تعرف الواحد مايصدق انه يطلع من الرياض وجوها المروح . ايه ونسولف شوي شوي وهو يتغير صوت احمد، لصوت اعوذ بالله منه، صوت واحد طايحه عليه مصيبه، مصيبه تهد جبال، والله هذيك المره اول مره بحياتي اخاف من احمد، اخاف انه صاير لاهلي شي ولا لهله شي . انا : احمد وش فيك عسي ماشر وش فيه صوتك ليش كذا احمد، وسكت احمد مارد علي ، واعيد واقوله احمد ياخي ترك طيحت قلبي بين رجولي قلي والله ماعد فيني حيل ، وبعد ساكت مارد، احمد احمد اصوت له بصوت عالي ، اقسم بالله انه مابقي في عروقي دم حتي وجهي تغير . وشوي وهو يتنحنح ويقح شوي كانه يبي يتكم شي بصدره. قلت احمد وشفيك ياخي . احمد:علي انت معك احد انا اسمع احد عندك يسولف ، قلت ايه وش عندك ياخي قلي والله ماعد في عروقي دم. لاخلاص انا اقولك بعدين يلا تبي شي ، انا : وين ياخوي انت مجنون تبين انتظر لين تكلمني مره ثانيه انت مجنون، والله مايبقي في عروقي دم وش فيه اهلي فيهم شي . يلا نكمل بعدين |
||||||||||||||
|
|
|
رقم المشاركة : ( 3 ) | ||||||||||||||
|
كُتب : [ 25 Aug 2005
- 11:31 PM ]
|
||||||||||||||
|
|||||||||||||||
|
|
|
|
رقم المشاركة : ( 4 ) | |||||||||||||||||||||||||||||||||||||
|
كُتب : [ 26 Aug 2005
- 02:01 AM ]
اشكرك اخوي قصيمي من كل قلبي علي تواصلك الدائم معي وتقبل ارق واعذب تحيه كويني،،، |
|||||||||||||||||||||||||||||||||||||
|
|
|
|
رقم المشاركة : ( 5 ) | ||||||||||||
|
كُتب : [ 26 Aug 2005
- 10:37 AM ]
|
||||||||||||
|
|||||||||||||
|
|
|
|
رقم المشاركة : ( 6 ) | ||||||||||||||
|
كُتب : [ 26 Aug 2005
- 10:58 AM ]
بس نبي نعرف نهاية القصه |
||||||||||||||
|
|||||||||||||||
|
|
|
|
رقم المشاركة : ( 7 ) | |||||||||||||||||||||||||||||||||||||
|
كُتب : [ 26 Aug 2005
- 01:50 PM ]
اشكرك علي مروروك وان شاء الله التكمله بتكون قريبه مره بس ادعوا اني اتفضى شوي لها اشكرك علي مروروك واهتماك وتعطيرك موضوعاتي تحياتي |
|||||||||||||||||||||||||||||||||||||
|
|
|
|
رقم المشاركة : ( 8 ) | |||||||||||||||||||||||||||||||||||||
|
كُتب : [ 26 Aug 2005
- 01:52 PM ]
شكرا لك بنت علي مرورك وان شاء الله بتكون النهايه قريبه يؤيؤيؤ تحياتي للجميع |
|||||||||||||||||||||||||||||||||||||
|
|
|
|
رقم المشاركة : ( 9 ) | |||||||||||||
|
كُتب : [ 26 Aug 2005
- 06:43 PM ]
كويني اذا ماتبي تكمل اتركها لي اكمل القصه اعرفها مثل معرفك قلبو وننتظر النهايه الكيبورد حقي. مافيه مسافه. اسف ههههههههههه |
|||||||||||||
|
|
|
|
رقم المشاركة : ( 10 ) | |||||||||||||||||
|
كُتب : [ 26 Aug 2005
- 11:39 PM ]
ننتظررر النهاية كوووووووووووووني تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم ثم تسلم تسلم ثم تسلم ثم تسلم ثم تسلم تسلم ثم تسلم ثم تسلم تسلم ثم تسلم تسلم ثم يديك مـــــــــــــــــشكـــــــــــــــــور مــــــــــــــــشكــــــــــــــــور مـــــــــــــــشكـــــــــــــــور مــــــــــــــشكــــــــــــــور مـــــــــــــشكـــــــــــــور مــــــــــــشكــــــــــــور مـــــــــــشكـــــــــــور مــــــــــشكــــــــــور مـــــــــشكـــــــــور مــــــــشكــــــــور مـــــــشكـــــــور مــــــشكــــــور مـــــشكـــــور مــــشكــــور مـــشكـــور مــشكــور مـشكـور مشكور مشكورمشكورمشكور مشكورمشكورمشكور مشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكور مشكورمشكورمشكورمشكورمشكورمشكورمشكورمشكورمشكورمشكور مشكور مشكورمشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكورمشكورمشكورمشكورمشكورمشكور مشكورمشكورمشكورمشكورمشكورمشكورمشكورمشكور مشكورمشكورمشكورمشكورمشكورمشكورمشكور مشكورمشكورمشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكور مشكورمشكورمشكور مشكورمشكور مشكور |
|||||||||||||||||
|
||||||||||||||||||
|
|
|
| مواقع النشر (المفضلة) |
| الكلمات الدلالية (Tags) |
| الثاني, الجزء, على, ومنار, قصه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [::]~ رابطة الزعيــم ( 2010/2011 ) ~[::] -- { اخبار ، استفسارات ، اشاعات ، نقاشات } | ~| Majed | [ منتدى الهلاليين ] | 377 | 11 Jul 2011 05:04 AM |
| الجزء الثاني من كاريكاتير الاعضاء ... ~ | تفآآآحه نيوتن | [ مجلـسٌ أصدقـآء الــغــلا ] | 12 | 05 Aug 2010 04:43 PM |
| الأسبان والألمان ونهائي قبل الأوان | تـــوآم روحــي | [ ( أرشيف ) مونديال جنوب افريقيا 2010 { الكاس الاغلى } ] | 5 | 08 Jul 2010 04:57 AM |
| ماذا تعرف عن الكلى | الادميرال | [ صـحـتـك بالـدّنـيـا ] | 3 | 05 Jul 2010 11:11 PM |
| قصه علي ومنار ،، الجزء الثالث | Mr.Koeney | [ القصة القصيرة والرواية ] | 1 | 28 Aug 2005 11:50 AM |
|
|
العرض العادي
