|
|
|
|
 آخر المواضيع |
||
|
ساعات شبايبة آخر رد: الشاطر <::>
انتم بشر فلماذا تجرحون آخر رد: شتآت~ <::>
العالمي يوقع مع حارس ابها آخر رد: عبدالله العياد <::>
النصر يتعاقد مع صانه الالعاب آخر رد: عبدالله العياد <::>
::: النصر Vs الإتفاق " تقديم " ( الجولة الـ 19 من دوري زين السعودي للم... آخر رد: عبدالله العياد <::>
رسمياً النادي ينهي عقد اللاعب بينو بالتراضي بين الطرفين واللاعب يوقع م... آخر رد: عبدالله العياد <::>
[ مسابقة حجابي هو تاجي ] آخر رد: سَرَابْ <::>
الحلقه الرابعه [Radio kl-3 ]سورية تصرخ واعرباه وإسلاماه .. آخر رد: فهد البدر <::>
ممكن ترحيب آخر رد: شتآت~ <::>
صحيح حلوه بس مافيني غرور آخر رد: الشاطر
|
||
|
|||||||
 |
| انشر الموضوع |
|
|
أدوات الموضوع | إبحث في الموضوع | انواع عرض الموضوع |
|
رقم المشاركة : ( 1 )
| ||||||||||||
|
||||||||||||
|
قصه علي ومنار,,,,,
كُتب : [ 23 Aug 2005
- 12:04 PM ]
كيفك عليوي عساك طيب ان شاء الله اسمع اليوم بقولك قصه ماهي من راسي قصه واقعيه ابطالها موجودين وعايشين للحين اتمني انها تعجبك وتحبها مثل ماحبيتها انا. القصه هذي بدات قبل حوالي سنه تقريباً وانتهت قبل حوالي ست شهور ،يعني تقدرتقول انها طازجه ولاهي طازجه بس تري هي قصه واقعيه ومافيه مجال للكذب لانه انا كنت وافق على كل تفاصيلها ماحد يروي لي شي كل شي كان على يدي وعارف حتى الاوقات الي صارت فيها القصه مافيه لقاء تم الا وانا موجود؟!؟!؟!؟! عموما هي صارت القصه بين شخصين الاول اسمه علي والثاني منار وشف انا بروي لك القصه على لسان علي نبدا واعطيك المايك ياعلي علي: مرحبا علي كيفك عساك طيب وش حالك عساك مرتاح. انا بروى لكم قصه بدات وانتهت بسسسسسرعه رهيبه مره يعني اول مره يمر على خمس شهور مادري كيف بدن ولانتهن بس الخلاصه انهن مرن وراحن واخذن معهن قلبي. البدايه انا لازم اعرفك بابطال القصه الاول : علي اللي هو انا من السعوديه المؤهلات العلميه :احب احتفظ بالاجابه لنفسي العمر: 21 سنه الحاله الاجتماعيه : اعزب طول عمري اللي راح عدد الاطفال : لايوجد زوجه يؤ الثاني: منااااااااااااااااااااااااااااااااااااااااار كويتيه العمر :20 سنه الحاله الاجتماعه : في وقت كتابة التقرير متزوجه وحامل في الشهر الثاني المؤهلاات العلميه: ثانويه عامه بس العمل : احب احتفظ بالاجابه لنفسي قبل لابداء بسرد احداث القصه ابي اقوكم وش اللي خلاني اروح للكويت وانا ماعمري رحت هناك ، على شان كذا لازم اذكر الظرف اللىخلاني اروح هنا تخرجت من الجامعه من المستوي الخامس الي السادس بمعدل مرتفع مره الحمد لله مع مرتبه الشرف الثانيه. انا كنت مقرر اني اشتري سياره بس متهاوش مع ابوي على نوع ، المهم الوالد الله يجزاه خير شاف اني متلهف للشي هذا على شان كذا وافق بتوسط اخوي الكبير الي جاه ضغط طبعا من اتش انا ماراح انكر افضال اتش علي بس ماهو وقته الكلام هذا بعد الكلام هذا بسبوع تقريبا قاعد انا وابوي نتقهوى العصر وبس خلصنا قال امشي معي ابيك تودين لمكان قلت ابشر ، ركبت بسيارته ومشينا قال رح للجميح قت ابشر وصلنا هنا ودخلنا عندهم بالفرع اللي على خريص وهو يقولي انتظر هنا وهو يروح للموظف حق خدمه العملاء سولف عليه وجاني قال علي وش رايك بالسياره هذي ويشر علي لومينا اس اس اللون اسود 2004 قلت والله يابوي ان صدق ابيه بس مادامك معيي خلاص انا شلت الفكره من راسي قال علي شحم هذا مفتاح السياره رح طلعها وتوكل علي الله انا شريتها لك ، ماتتصور ياعلي كيف كانت المفاجاه بس الحمد لله ماصار شي قدام العملاء المهم طلعت السياره ورحت للبيت . وكل يوم اطلع فيها اتمشي للين طلعت السياره من الـ 1000 الاوله، بعد حوالي خمس ايام اتصل خالي خالد على ابوي يسلم ويسال عنا وبالتحديد كان يسال عني لاني سمعت وش كان يقول لابوي. خالي خالد هذا ساكن بالكويت يعزني مره كنت افزع له بحاجات حساسه مره ماقدر اذكرها هنا خالد هذا عمره حوالي 35 سنه تقريبا المهم قاله ابوى اني شريت سياره وتخرجت وكل شي . المهم بعد حوالي ساعتين وهو يتصل على جوالي انقل لكم المحادثه بالتفصيل لانها الى الان في راسي والله ماقدر انساها لانها هي اول المشوار الجوال يدق واشوف الرقم قلت توك ياخال تدق ! انا : مررررررررررررررحبا مرررررررررررررررررررررررحبا مرررررررررررررحبا خالي: مرررررررررررررررررررررررررررررررررررررررحب يادوب وينك ماتتصل ولا شي لازم اتصل عليك كانك انتي خالي مو انا خالك انا : والله لك حق ياخالي بس الشكوي لله جوالي منفصل عليه فاتوره وتعرف انا علي الله ثم علي المكأفاه خالي: انا قلت لك احولك فلوس انت عييت ليش تسوي كذا اسمع انا بحولك 100 دينار سدد فيها جوالك وتكلمني فيها يادووب اذا كان عذرك الفلوس. انا : لا والله مايجيني شي بس خلنا من موضوع الفاتوره انت وش اخبارك وتري والله كنت اتحري اتصالك من يوم قفلت اتصالك مع ابوى. خالي: انا كنت ابي اتصل عليك بس كنت عند اخوواي بالديوانيه قلت لازم روقان لخويلي مايصير اكلمه بالزحمه كذا ويوم مشيت هذا انا اتصل عليك. المهم يادوب الف مبروك التخرج والف مبروك السياره قلت اخيرا علي اشتري سياره انا : الله يبارك فيك ياخالي ليش محنا كفوا نشتري سيارات. خالي: هههههههههه لا والله انت اللي تستاهل والحين انت كان عذرك لاتجي للكويت السياره الحين انت شريت واحده وش رايك تجي عندنا، الحين مهرجانات واحلى جو تعال وشف العالم مو منقبر عندك هنا، شف الناس شف المزز هنا مو عندكم سوقين ومساتنسين فيهن ولا عوايل بعد واذا براسكم حرش رحتوا للخبر للراشد ولا فادي سنتر مادري ايش اسمه تذكر ذاك اليوم يوم رحت انا وانت للعليا مول وانت تدري انه عوايل ليش تاخذني هناك انا ابي اقولك من زمان . انا :ههههههههههههههههههههههههههه الله يرجك ياخال للحين تذكر هذا مغامره معك ونسيتها انا . خالي: اقولك لاتكثر كلام ابيك تجي عندنا نبي نشوفك وتري خالتك منيره تبيك تجي ، تقول تبي تزوجك عبير. انا : هههههههه بدري عليكم انا خلاص مابي اتزوج ابي انتبه لداستي وبعدين اتزوج خالي: علي شكلك مانسيت فلانه والله ثم والله انا ماتصير رجال وتضبط نفسك والله وهذاني حلفت لك والله اني لعلمهم علي كل شي تسمع ولالا ،صر رجال انا : والله ياخالي اني خلاص انتهي الموضوع بالنسبه لي . خالي: خلاص قفل الموضوع اقول مادام انت الحين مخلص دارستك وماعندك شغل وش رايك تجي علينا وتجرب سيارتك وتشوف العالم عندنا انا: خالي والله ودي وخصوصا الواحد الحين فراغ وماعنده شي بس تعرف الوالد مايخلني اطلع شبر برا كل اغراض البيت انا اللي اجيبها وهو معتمد على الله ثم علي، مافيه شي يبغاه يصير الا انا اللي اقوم فيه ، شف انت قل لابوي واقنعه انه يخلني اجي وابشر والله ماعندك مشكله . خالي: ليش ماتقوله انت . انا : هو يسمع منك اكثر ويمكن يستحي منك ويخلني اجيكم انا لو اقوله يقول علي تبن وش تبي تسوي هناك خلك هنا خالي :بس كذا ابشر ياخويلي والله لاجيب لك الموافقه لو اجيكم للسعوديه واخطفك خطف ههههه انا : الله يسلمك خااااااااالوا ياحبي لك خالي:ايه عاد يالله تونه تناديني ابي اروح اشوفها صار لي عنها 12 ساعه انا : خالي ماتخلي حركاتك ،تونه وش اخبارها خالي: ماعليها اولله والحين ياخالي ضاربه مكياج شي ياخالي، علي شان اليوم فيه سهره رومنسيه بينا تعرف اليوم الاجازه وحنا مانخلي اجازه تفوت علينا لو انك تطيعني وتعرس ابرك لك وتعيش اللي انا عايشه انا : طيب طيب ابشر بس عطن اكلمها شوي وهو ينادي لتونه تونه: هلا علااااااوي وشلونك طيب ان شاء الله انا : هلا خالتي كيفك وكيف خالي معك تونه: ههههههه بخير الله يعافيك ماعليه هذا هو مايخلني اكلمك زين خدوي اقعد شوي خلن اكلمه زين انا : يلا خالتي انتو منتو فاضيين لي انا ان شاء الله اذا ضبطني خالي عند ابوي اجيكم قريب ان اشاء الله تونه: والله تمام ماعليك انا باضغط من جهتي بعد لاتشيل هم انا : االله يخليك ياخااالتوا يالله سلمي علي خالاتي كلهن توصين شي تونه :ابيك سالم ياخالي يالله سلم علي اهلك مع السلامه... تونه: هي زوجه خالي وانا اقولها خالتي تقدير لخالي وهي والله تعزني مثل اخوها بالضبط لانه خالي يعزني اسمها تهاني واسكر السماعه وانام لبكره من بكره العصر اتصل خالى على ابوي وقاله انه يبني اجي للكويت ابوي قال خلاص مومشكله نستغني عنه شوي اتصل علي خالي قال يادوب جبنا لك الموافقه ضبط نفسك وتعال اوكيه قلت اوكيه
|
|
|
رقم المشاركة : ( 2 ) | |||||||||||||
|
كُتب : [ 23 Aug 2005
- 12:08 PM ]
على هذه القصه اختيار موافق الله يعطيك الف عافيه وفي انتظااار جـــــــــــــديـــــــــــــــدك الى الأمااااااااااااام |
|||||||||||||
|
|
|
رقم المشاركة : ( 3 ) | ||||||||||||||
|
كُتب : [ 23 Aug 2005
- 12:10 PM ]
نكمل القصه وشلون المستمعين الاحباء ايه دخلت البيت وناداني ابوي قال اقعد ابيك شوي قعدت قال خالك خالد اتصل يبيك تروح له للكويت ها وش رايك ، قلت انت وش رايك ، قال انا ماعند مانع بس لاتطول علينا زين قلت ابشر، قال متى تبي تروح قلت يابوي انا شنطتي مجهزها من امس وابي امشي الحين بالليل حولي الساعه 9.00 ، قال الحين ليش خلها بكره ، قلت لايبه الحين احسن على الجو البادر مافيه حر وتعرف سيارتي جديده خلن امشي بالليل احسن، قال اوكيه ، والله واشيل عفشي ، واروح لميمتي، يايميمه انا ماشي للكويت تورحين معي ولا مانتي رايحه ، قال وش عندك هناك، قلت ابد خالي بيبني، ها طيب ليش تمشي الحين ، قلت يمه احسن الحين ، قالت زين لامابي اروح انتبه لنفسك وسلم علي خالك وخالاتك. سلم عليهم كلهم زين قلت ابشري والله واشيل اغراضي واحطه بالسياره ويجيني ابوي عندالباب،قال ها معك فلوس ، قلت ايه معه قال كم، قلت كذا،قال تروح للكويت وانت معك كذا وهو يمد لي فلوس والله واخذها. واتصل علي خوووي احمد، قلت لاحمد انا ماشي للكويت ، قلت بلغ الشباب كلهم وسلم لي عليهم ،قال كيف كيف وشلون بالسرعه هذي ولاتقولي متي صار الكلام هذا وعسي ماشر الاهل فيهم شي اللي بالكويت لازم اقابلك انت بالرياض ولا طعلت ، قلت له انا عند طريق الدمام الحين قال يلا ربع ساعه وانا عندك. المهم جا احمد وسلمت عليه ومشيت وصلت للكويت حوالي الساعه 3.00 الفجر جيت للبيت خالي وهذا هو يطلع من البيت للصلاه الفجر واسلم عليه وادخل حتي هو مارح للمسجد يصلي يؤ والله وهو يقعد معي من الصلاه للين طلع النهار وحنا نسولف ، وتسوي تونه ذاك الفطور اللي يخليك تاكل لين تنفجر بطنك ، عاد انا وقتها كنت دب ماقدر اقاوم الاكل وهي تعرف الشي هذا.الحين انا عادي ماني دوب . المهم طلع خالي لدوامه وقالي هذا مفتاح البيت خله معك زين اذا طلعت سكر الباب ،هو طلع لدوام بالخارجيه الكويتيه ، وتونه بعده بشوي موظف بمدرسه مادري وش كان عنده بس كان فيه اخر دووام مدري اول دووام المهم طلعوا وخلوني لحالي باليت. قلت ابي انام شوي ، ماجاني نوم طلعت عند الباب ابي اشيك علي سيارتي واشوف المويه والزيت ماعندي سالفه. فتحت كبوت السياره وشيك وهذا . هو ينفتح باب البيت اللي قدام بيت خالي بالجهه المقابله من هنا بدات قصتي مع منااااااار من هذه اللحظه وهي تطلع يوم طلعت وان اقاعد ابعبص بالسياره ومدنق وحالتي حاله وارفع راسي ابي اشوف من اللي طلع وهي طاقه النظارات الشمسيه وتناظر وش السياره السعوديه هذي عند هذولي من هذا اللي يشتغل فيها انا يوم رفعت راسي بسرعه ويضرب راسي بالكبوت من هول الصدمه وهي تناضر وتتبسم ، عاد عرفت اني سعودي مشفوح ماعمره شاف بنات بحياته والله، وتعطيني نظره مع ابتسامه ، النظره هذي موتتني صقعتني مره ماعاد اقدر اشوف شي قادمي والله اني مااقدر امشي خلاص شفت شي ماقدر اوصفه جمااااااااااال يااااااااسبحان ربي اللي خلقه، والشعر اللي علي الكيف الاسود الطويل، الشيله الحلوه علي كتفها، والتنوره الطويل السودا المشجره، والبلوزه الحمرا، ياااااااااااااااااااااااااربي علي البلوزه طيرت عقلي البلوزه ماقدرت اتمالك نفسي. المهم طلعوا خوانها الصغار تبي توديهم لمكان مادري ايش وهي تمر من قدامي وتناظر علي ، عاد انا الحاله معفوسه مره ،لابس ثوب نوم، وفيه نقطه سوداء ،في وسط الثوب عباره عن نقطه، زيت مادري من وين جت ،شعري طويل ماهو مرتب ،وضعي كان مره ماودك انك تناظر لي.المهم دماغي قام يفور يفكر من هذي، اول مره احس في شي شدني لبنت مو شدني الا والله سحبني بكل قوه ماعاد اقدر افكر في شي ثاني خلاص الدماغ شغال بس في البنت هذي. المهم وادخل البيت ابي انام ماعاد اقدر انام ابغي اتقلب مافيه مجال خلاص ،حتي والله من قوه النظره ،كنت حاس ان الوقت وقف خلاص والدنيا مافيه احد غيري انا والبنت هذي منار فيها شبه كبير من الفنانه سلاف فواخرجي علي شان كذا كل مره اشوف سلاف فواخرجي اتذكر منارر قلبي حتى اتذكر كانت تسالنى وش احسن لبس علي حلو قلت لها البسي الفساتن الاسود المشجر عليك مووووت والله وكل مره اجي اقابلها كنت تلبس فستان شكل بنفس اللكلام اللي قلت لها، وانا كنت افضله لانه سلاف كانت تلبسه ويطلع عليها حلو اما منار فكانت تطلع حوريه يوم تلبسه الله يستر عليك يامنار قلبي المهم ماقدرت ابقي بالبيت ابي اشوف وين راحت واطلع برا. ويوم طلعت برا ولا انها جايه مره ثانيه للبيت يوم شتفها ،المره هذي متحمس مره مافيه مجال اني اشيل نظري عنها، مالك امل اني اشيله، والله وهي تدخل، انا فاغر اناظر لها وتطلع واناعيوني مبققه عليها علي الاخير وتناظر لي وتبتستم وتمشي ياااااااااااااوجه الله لا لا لامو كذ ياعلي انت منت حمل اشياء زي كذا المهم ورجع للبيت ابي اعرف من هي خلاص مافيه تفاهم. وتجي الساعه 12 الظهر قلت يالولد رح للمسجد وصل الظهر وعين خير ،وارجع البنت ماهي طايره والله رحت صليت ،وجيت ويوم وصلت الباب ولا اسمع سياره من وري تمشي وتدق بوري والله وابي افتح الباب واناظر بطرف عيني ولا هي وتوقف عند بابهم ،قلت ياولد هذي فرصتك لازم تقتنصها والله والله اانها اول مره اكلم بنت كذا ،مادري من وين جتني الشجاعه كل هذي ، والله واصوت ياختي ياختي ، وتوقف على طول كانها كنت تنتظر اصوت لها، واجيها انقل لكم اول كلام دار بين قلبي وبين قلب قلبي قلبي:السلام عليكم. قلب قلبي :عليكم السلام قلبي:انا علي جاي ضيف علي جيرانكم بيت ابو عبدالله وتركوني وراحوا لدوماتهم وابيك تقدمين لي الخدمه هذي ابيك تدليني وين القي لي معطم . قلب قلبي:حياك تفضل عندنا. قلبي:قلت مشكوره بس لو انك تقدمين لي الخدمه هذي واكون شاكر لك. قلب قلبي:قالت شف انا الحين بطلع ابي اروح للمطعم شغل سيارتك والحقني. قلبي:قلت اوكيه . وارح لسياره ابي اشغلها، يؤ مابي، ابي اسولف معها وش اسوي، وش اسوي ،قلت مافيه طريقه غير اقولها ان سيارتي ماشتغلت ،عاد المشكله سيارتي جديده حتي الاكياس اللي علي المراتب ماشلتها واضح الكذبه مايبي لها تفسير. والله واجيها قلبي:ياختي السياره ماشتغلت قلب قلبي:ها ونتاظر لي وتعطيني بسمه خفيفه قالت تعال معي. انا ماصدقت خبر والله ورجع للسياره طاير وقفلها وامشي حتي باب البيت تركته مفتوح ، ويوم ركتب معها قالت ماكانك نسيت شي قلت وش، باب البيت مفتوح ، واناظره ماودي انزل . قالت خلك انا اروح اسكره، انت فيك شي، وتقوله وتضحك ،ياربي على الضحكه . واخزها من راحت ولين جيت وانا اخزها من فوق لتحت يازين حلاياها اي والله، حوريه تمشي علي الارض ويوم رجعت قالت وش فيك تناظر كذا فيه شي ،قلت ابد اناظر لسيارتي اشوف وش فيها ليش ماشتغلت ،وهي نتاظر لي وتتتبسم قالت والحين عرفت وش عليها من النظره هذي.هي قصدها نفسها مو السياره قلت هي اللي جابت لي العله الله لايعلها ،فهمت علي. رحنا للمطعم وطلبنا غدا لاهلها ولي وعيت غير تحاسب عني ،يابنت الحلال ملها داعي مايصير قالت انت ضيف عند ابو عبدالله وضيف ابو عبدالله هو ضيفنا. علي فكره هي من بنات القبايل المشهوره. والله ونرجع للبيت ونسولف قالت انت وش تقرب له ،قلت انا ولد اخته ،قالت ها اول مره اشوفك ،قلت ايه انا بس خلصت دراستي بالجامعه جيت بناء علي طلبه،قالت مدام انه طلبك اكيد يغليك مره ،قلت والله لواطلبه عيونه مايقصر قالت ها حنا نعرفهم من زمان صار لنا معهم اكثر من ست سنوات. المهم قلت لها انا جاي هنا اول مره زين ولااعرف شي بالديره وسمعت انه عندكم مهرجانات الحين وابي اشوف العالم واتمشي ،قالت شف الحين بس تنزل برسل لك كاتلوج للمهرجانات كله وانت شف للي يناسبك . المهم اخذنا فرتين بالشارع ونزلنا انا اخذت غدي ورحت للبيت وهي دخلت ومعها غداها. بعد حوالي ساعه الا الجرس حق الباب يرن طلعت عند الباب وكنت مشخص مره ماخذ دووش ولابس وكاشخ مره كنت بدر الله يستر علي . وافتح الباب ولا هي بنت صغيره عمره يمكن اربع سنوات او خمس مادري المهم صغيره. قالت انت علي قلت ايه قالت هذا من ااختي منار. قلت يعطيك العافيه انتي واختك منار وافتح البوك واعطيها خمس دنانير والله مادريت انهم خمس الا بعدين قلت خوذي الفلوس قالت لا، قلت والله لاتاخذيهم ،وانا اشوف منار تطالع علي من الشباك اللي بالدور الثاني وتشوف وش اقول للبنت المهم حلفت علي البنت لين اخذتهم قلت لها عاد عطني بوسه ياللا . وابوس البنت وتمشي البنت لبيتهم واناظر لمنار واسلم عليها بيدي وتسلم هي ودخلت البيت المهم يوم قريت الكاتلوج مكتبوب فيه باخره انت تتبع المواعيد واكيد بتلقي الناس هناك وهي حاطه كم دايره علي كم محل. قلت وش موجب الكلام هذا اكيد فيه سر وافكر افكر قلت هذي ياهي خلاص يانها مالت علي ولا بس كذا. المهم قلت خلن اشوف اول مكان ، المحل الاول الي كانت حاطه عليه دائره كان محل عصير بشارع المطاعم والموعد كان الساعه 4.30 العصر المهم لبست ثوبي وشماغي ودقيت السياره سلف ورحت هناك وصلت هنا الساعه 4.20 وقعدت وطلبت عصير رمان. ويوم جت الساعه 4.30 هي تمر من قدام المحل بسيارتها ، وتوفق بالموقف وتجي تمشي علي ودخلت المحل، انا كنت علي الشباك جالس اراقب الشارع. وهي تمرني وتقولي المكان هذا محجوز،قلت لها بضحكه ايه محجوز، والله وهي تضحك وونقعد . قالت والله ماتوقفت انك تجي هنا، ليش جيت هنا وش معني المكان هذا. قلت والله في وحده وصفتي المكان هذا والموعد وجيت احتريها تجي. وتضحك قالت هي الحين جت ولا باقي . قلت ايه جت وقدامي يالحين . وهي تضحك مره قالت ما شاء الله عليك فهمتها علي الطاير. قلت اكيد لسبب بسيط مره تدرين وش هو. قالت ايش هو، قلت هماهم يقولوان للبيب بالاشاره يفهم قالت ايه قلت وانا البيب واضحك وتضحك قالت ماتبي تطلب لي عصير ولامعجبك اني احاسب عنك مثل الغدا قلت تامرين امر وش تحبين تشربين ،قالت عصير رمان ، قلت وش معني عصير رمان، عاد انا ماسك الكوب بيدي ومنزله تحت الطاوله واحطه علي الطاوله، قالت انت تشرب عصير رمان ،ياسبحان الله قلت ايه ونطلب عصير رمان . وسوالف وسوالف نتعرف علي بعض والله ونقعد من الساعه 4.30 الي الساعه 9.00 سوالف بس عصير يجي وعصير يورح لين بغينا نتفجر من كثر شرب العصير ويوم بغينا نمشي قالت ها ياالبيب خلنا نشوفك عاد. قلت اكيد ياماجلان بتشوفيني علي المواعيد ، وتضحككككككككككككككككككك |
||||||||||||||
|
التعديل الأخير تم بواسطة Mr.Koeney ; 23 Aug 2005 الساعة 02:57 PM |
|||||||||||||||
|
|
|
|
رقم المشاركة : ( 4 ) | |||||||||||||||||||||||||||||||||||||
|
كُتب : [ 23 Aug 2005
- 12:21 PM ]
اخوي مخاوي السهر اهلا فيك ونورت مشاركتي واحب اقولك القصه هذي حقيقه وانا واقف عليها ماهي كلام يروي لي ويعطيك العافيه علي مروورك واحب اقولك انتظر لين اكمل القصه كلها |
|||||||||||||||||||||||||||||||||||||
|
|
|
|
رقم المشاركة : ( 5 ) | |||||||||||||||||
|
كُتب : [ 23 Aug 2005
- 01:28 PM ]
ننتظررررررررررررررررررررررر |
|||||||||||||||||
|
||||||||||||||||||
|
|
|
|
رقم المشاركة : ( 6 ) | ||||||||||||||
|
كُتب : [ 23 Aug 2005
- 01:45 PM ]
مشكووووووووور يالغلا انتظر البقيه على احر من الجمر ودمت بود |
||||||||||||||
|
|||||||||||||||
|
|
|
|
رقم المشاركة : ( 7 ) | ||||||||||||||
|
كُتب : [ 23 Aug 2005
- 03:00 PM ]
اشكركم علي تعطيركم مشاركتي وتقبلوا تحياتي دمت بكل ود وانتظروا الاجزاء الباقيه كويني،،، |
||||||||||||||
|
|
|
|
رقم المشاركة : ( 8 ) | ||||||||||||||
|
كُتب : [ 23 Aug 2005
- 03:01 PM ]
مرحبا علي كيفك "جزء من النص مفقود" لامعليكم اكملها كلها بس ان شاء الله تكون التكمله قريبه علي فكره القصه هذي كلها بقلم كويني مو منقوله |
||||||||||||||
|
|
|
|
رقم المشاركة : ( 9 ) | ||||||||||||
|
كُتب : [ 23 Aug 2005
- 03:36 PM ]
|
||||||||||||
|
|||||||||||||
|
|
|
|
رقم المشاركة : ( 10 ) | ||||||||||||||
|
كُتب : [ 23 Aug 2005
- 04:10 PM ]
والله اني مشششششششششغول كككككككككككككككككككككككككككككككككككككككككككككككثر شعر راسي بس اوعدكم اني بحاول اكملها باااااااااااااااااسرع وقت هي ماهي تاليف علي شان اتعب في تحليلها وتنسيقها هي صارت قادمي ماعلي الا اني اكتب اللي صار بس |
||||||||||||||
|
|
|
| مواقع النشر (المفضلة) |
| الكلمات الدلالية (Tags) |
| على, ومنار, قصه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصه علي ومنار ،، الجزء الثالث | Mr.Koeney | [ القصة القصيرة والرواية ] | 1 | 28 Aug 2005 11:50 AM |
| قصه علي ومنار ,,,, الجزء الثاني | Mr.Koeney | [ القصة القصيرة والرواية ] | 14 | 28 Aug 2005 02:04 AM |
|
|
العرض العادي
