السلام عليكم ورحمة الله
شلونكم يابعدي
بنقلكم الحوار بحذافيره ^_^
ــــــــــــــــ
نبدأ في اللقاء
في البداية جيت لامي وحبيت يدها وراسها وقلت لها يمه ممكن اخذ من وقتك دقايق>>محترمه
قالت اخلصي علي وش تبين>>ما عندها وقت ^_^
وهذي الاجوبة
السؤال الأول::
ماهي نظرتك للنت ؟ وهل فعلا ألنت سرق أبنائكِ من الجلوس معكِ؟
طبعا بالبداية صكتني بنظرة نارية احرقت وجهي وبعدين طالعت لي بنص عين وقالت طبعا بعد جدل استمر دقايق:
هو له مميزات وسيئات واللي يحكم هذا هو مستخدمه>>كشخه
بس بالنسبة لي هو زين للدراسة والتكاليف وكل شي ذرب >>امي مقاصدها علمية فقط
اما بالنسبة لعيالي فهو صدق خذاهم مني يعني الثلاث ولا الاربع ساعات اللي يقعدون فيها على النت ورا ما يقضونها معي ..>>ابشري من باتسر ما عاد ادخل النت
السؤال الثاني ::
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
ودي ان الله يهديها ويرزقها الزوج الصالح اللي يسعدها ..كود العرس يركدها ويهجد شياطينها>>تقصدني <<حرام عليك يمه انا غلبانه
السؤال الثالث ::
هل ابنكِ هذا أو أبنتك هذه مرتبة أم فوضوية ؟ وما هو السبب ؟
الحمدلله مرتبه <<طالعتن على امي..السبب من هي صغيره وهي تهتم بترتيب كل شي يخصها ويوم انها صغيرة كانت عالتن قلبي تنثر دولاب المجلس كل يوم وتنظفه >>وهـ فديتني ذربه
السؤال الرابع ::
هل تدليع الفتاة أو الشاب يدمر؟ وكيف تجمعين بين حبك وحنانك لهما وبين تدليعها ؟؟
يدمر اذا كان فيه مبالغه وهو ما يكون تدمير بقدر ما يكون افساد للتربية
والله انا مع عيالي وسط موب شادة ولا راخية لهم بكل شي
السؤال الخامس ::
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
اغير نفوس وقلوب الناس اللهم يا كافي ما عاد فيه احد قلبه صافي الا من رحم ربي
الله يهدي عباده
السؤال السادس ::
نصيحة تنصحيننا بها أثابك الله ؟
انصحكم تراعون الله فيما تكتبون وتخطه يدكم
وبمناسبة الشهر الفضيل لا تخرجون من رمضان الا وانتم في قائمة الذين شملتهم رحمة ومغفرة الله وختم لكم بالعتق من النار
اسال الله ان يجعلنا منهم
السؤال السابع ::
لييش لما اطلبك تعلميني بلوت ترفضين ؟
اول شي عصبت علي وقالت:كم مره قلت لا عاد اسمع هالطاري
وبعدين انا قلت لك الف مرره كنت العب زمان وبطلت وهو ادمان اللي يتعلمه ما عاد يصبر منه..
مداخله مني ..انزين انا بلعب مثلتس مع اخواني ولا اعرست خليته.
عصبت علي وقامت وانتهى اللقاء:4::4:وما علمتن البلوت..